============================================ مراجعة لعبة :: PS2 ============================================
Dark Cloud
> Level-5
" لينك مال سوني "
| البيان | القيمة |
|---|---|
| التقييم | 8.0 / 10 |
| المنصة | PS2 |
| المطور | Level-5 |
| التاريخ | 08/06/2026 |
| القراءة | 2 دقائق |
[████████████████████████░░░░░░] 80%
نظرة عامة
اللعبة ب اختصار تبدأ ب قرية متدمرة وعندها كهف
أنت البطل تدش الكهف إلى يتشكل عشوائي و عبارة عن طوابق وفيه كنوز ومنهم كور تجمعهم داخلهم (بيوت اشجار طرق و الناس وهكذا) إلى بالقرية
ثم بعدها تطلع وتبني القرية من الصفر وتشوف قصصهم وسالفه وطلبات كل واحد غير يعني شخص يقولك ابي بيتي عنده شجر وواحد يبي جاره فلان وهكذا
المتعة والاستكشاف
المتعة هي الاستكشاف خصوصا البطل ما يعرف شنو السالفة بالبداية وراح تشوف شوى شوى القصة واللوز وتتعمق اكثر بالعالم. بس مشكلتها أنك راح تسوي نفس شيء مع كل المدن الباقية ف تنمل شوى مع الوقت ف انصح أن تسمع بودكاست أو يوتيوب وأنت تلعب.
مثال على المدينه الاولى قبل و بعد حيل حبيت الشي . وطبعا انا ماعندي حس بالترتيب ف الي يبده يقدر يطلع بشكل احلى .
اللعب والأسلحة
متعتي الحقيقة هي القيم بلاي.
مع أنها لعبة قديمة بس تنوع الأعداء والأسلحة وال item ممتازين
نظام تطوير السلاح اعتبره دراسة xD حيل متعب. في شغلات مزعجة أنه السلاح ينكسر ولازم عندك باودر يصلحه يعني عادي سلاح قوي حيل يروح عليك لأنك ما انتبهت.
في شيء تمنيت حيل استعملوه وخلوه صعب إلى هو ال duel
العطش وصيانة السلاح
في نظام مزعج بس أنا اشوفه اضاف لي متعه إلى هو كالآتي الشخصية تعطش ف لازم تشرب ماي والسلاح ينكسر فلازم تصلحه (عن طريق باودر سعره رخيص)
ف عادي أنت بنص الدنجن تنجبر تطلع عشان الأشياء هذه .
فريق المغامرة
ماراح اقول العدد بس عندك بارتي معاك و تقدر تغير بينهم وانت بالدنجن ف لازم تهتم بالكل ولا راح تتوهق لانه في طوابق تجبرك تلعب ب واحد بس .
الموسيقى
الساوند تراك ادماني ولا ينمل .
القصة واللور
الي حبيته انه القصه كل مره تصير احلى و انت تتقدم نفس المغامره . كل شابتر مدينه جديده من الصفر تبدأ وبالنهايه تكون عارف كل شي عنها و ينضم لك احد .
و اللور يزيد معاك شوي شوي عنصر المغامره والمناطق حلو بس مثل ما قلت ب الاول راح تسوي نفس الشي مع كل مدينه ف تمل شي .
الي حبيته انه القصه للاخير حلوه ما حسيت بلحظه خلاص خلصوا .
نصائح للمتعه الكامله:
- لا تسوي مثلي وتعاملها انها دارك سولز استعمل كل شي تعطيك اللعبه .
- لا تلعبها لوقت طويل ورا بعض لانك راح تتحول وضع auto pilot
- اتعب على توزيع البيوت عشان تلبي طلبات الناس صح من الاول
- لا تبخل على نفسك اللعبه تعطيك اشياء واجد
- الاهم هو طور باقي الشخصيات هذه اهم نصيحه .
- خل التفريم لاخر شي وحاول تفوز على البوسات ب items اذا صعبين .
الي يبي يلعبها على محاكي ضروري تلعب النسخه dark cloud enhanced mod .
============================================ نهاية المراجعة • ESC للرجوع ============================================